Тармоқларда минтақа раҳбарларининг имзолари муҳокама қилиниб, “кимники чиройли?” деган ҳазил баҳс ҳам пайдо бўлди. Аммо графологлар фикрига кўра, қўлтамға нафақат чирой, балки эгасининг характери, бошқарувдаги ёндашуви ва ички ҳолати ҳақида ҳам маълумот беради. “Тил ва адабиёт таълими” методик журнали бош муҳаррири Фаррух Жабборбек имзолар бўйича қуйидаги таҳлилларни тақдим этди.
Тартиб, аниқлик ва ўзини назорат қила олиш Қозоғистон раҳбарининг имзоси бир маромда, аниқ ва текис ёзилган. Бу мувозанатли характер, ўзига ишонч ва вазиятдан чиқмай ишлашга мойилликни англатади. Ўртача босим эса эҳтиёткорлик ва мослашувчанликни билдиради.
Кучли ирода ва жадал бошқарув Қирғизистон етакчисининг имзоси зич, босими кучли ва бош ҳарфи яққол кўринади. Бу қатъият, ички куч ва ҳиссий тебранишларга берилмасликни ифодалайди. Йирик чизиқлар эса тез фикрлаш, тафсилотларга кам эътибор ва юқори суръатда қарор қабул қилишга мойилликни англатади.
Ҳиссиётга бой, ижодкорликка моил характер Тожикистон раҳбарининг имзоси мураккаб, гажакли ва босим билан ёзилган. Графологлар бундай шаклни ҳиссиёт кучи, ижодий фикрлаш ва тезкор қарорлар билан боғлайди. Қатъият ва собитлик аломатлари ҳам кўзга ташланади.
Эркин фикрлаш ва таваккал қилишга мойиллик Туркманистон президенти имзосида эркин чизиқлар, марказда ғужанак шакллар мавжуд. Бу экстравертлик, мустақиллик ва тез фикрлашни англатади. Тафсилотларга унча берилмаслик ва баъзан кескин қарорлар қабул қилиш эҳтимоли ҳам талқинда кўрсатиб ўтилади.
Барқарор, ишончли ва изчил бошқарув Ўзбекистон етакчисининг имзоси аниқ, тушунарли ва тартибли. Чизиқлар юқорига интилиши билан ажралади. Бу ўзига ишонч, мақсадга интилиш, изчиллик ва барқарор характерни билдиради. Силлиқ шакллар эса мувозанат ва ҳиссий мустаҳкамликни англатади.
Графолог таҳлилига кўра, минтақа раҳбарларининг имзоларида “ўзим бўлай” деган кескин амбиция сезилмайди. Бу эса Марказий Осиё мамлакатлари ўртасидаги ҳамкорлик учун муҳим омил сифатида қайд этилади.
