Тошкент вилоятининг Зангиота туманида жойлашган “целлофан” пакетлари ишлаб чиқариш цехида 26 октябрь куни кечки пайт ёнғин содир бўлди.
Вилоят ФВБ маълумотига кўра, ҳодиса туманнинг “Назарбек” маҳалласида жойлашган ишлаб чиқариш цехида соат 20:06 да қайд этилган.
Ёнғин ҳақида хабар олингач, 8 та ёнғин-қутқарув экипажи воқеа жойига соат 20:17 да етиб борган. Ёнғин соат 20:51 да назоратга олинган ва 21:40 да тўлиқ ўчирилган.
Ҳодиса оқибатида тан жароҳати олганлар ҳақида маълумот келиб тушмаган. Ёнғин сабаби ҳозирда аниқланмоқда.
