Ижтимоий тармоқларда Қорақалпоғистон Республикаси, Элликқалъа тумани ҳудудидаги “Ақчакўл” туристик-рекреацион зонасида хазина топилгани ҳақидаги маълумотлар тарқалди. Ушбу хабарларга Маданий мерос агентлиги изоҳ берди.
Маълум қилинишича, агентликнинг Қорақалпоғистон бошқармаси мутахассислари жойга чиққан ва соҳилда олиб борилган ўрганишлар натижасида маданий аҳамиятга эга археологик топилма ёки хазина топилмагани аниқланган.
Ижтимоий тармоқларда кўрсатилган тангалар эса бугунги кунда муомалада бўлган 2018 ва 2022 йилда чиқарилган 200, 500 ва 1000 сўмлик тангалар экани маълум бўлган.
Мазкур ҳолат юзасидан Қорақалпоғистон Республикаси Маданий мерос бошқармаси ва Элликқалъа тумани ҳокимлиги вакиллари иштирокида далолатнома расмийлаштирилди. Ўрганишлар давомида тарқатилган видеомурожаатдаги маълумотлар ҳақиқатга тўғри келмаслиги аниқланган.
