Тошкент метросида йигитларга пранк қилган қозоғистонлик машҳур блогер иши судга оширилди. Бу ҳақда Олмаота шаҳри полицияси хабар берди.
Маълум қилинишича, блогер ижтимоий тармоқларда жамоат жойидаги одобсиз хатти-ҳаракатлари акс этган видеоларни тарқатган.
“Фуқаро Ўзбекистон метросида бўлган вақтида атайлаб йўловчиларга тегажоғлик қилган, бу жараённи видеога олиб, шахсий саҳифаларида жойлаштирган. Мазкур ҳолат бўйича майда безорилик моддаси асосида маъмурий иш қўзғатилди. Материаллар судга юборилди”,— дейилади полиция баёнотида.
Полиция хабарига кўра, блогер аввал ҳам шунга ўхшаш хатти-ҳаракатлар содир этган, шундан сўнг у билан профилактик суҳбат ўтказилишига қарамай, у бу ҳолатдан тўғри хулоса чиқармаган.
“Бундай ҳаракатлар жамоат ахлоқига ҳурматсизлик ифодаси бўлиб, белгиланган одоб меъёрларини бузади. Полиция жамоат жойларида ахлоқсиз, провокацион ёки шаънни камситувчи хатти-ҳаракатларнинг ҳар қандай шакли қонун билан жавобгарликка сабаб бўлади”, —дейилади баёнотда.
