Наманганда бир аёлдан унинг рақс тушган видеоларини ўчириш учун пул талаб қилган эркак қўлга олинди. Бу ҳақда вилоят ИИБ матбуот хизмати хабар қилди.
Билдирилишича, Косонсой туманида яшовчи фуқаро ўзига тегишли телефонда Instagram профилига бегона аёлнинг оиласи ва яқинлари даврасида рақс тушган видеоларини бошқача талқинда жойлаштирган. Шундан сўнг, аёл фуқарога тасвирларни ўчиришини сўраб мурожаат қилганида, у 350 минг сўм талаб қилиб, пластик карта рақамини юборган.
Аёл пулларни бергач ҳам ушбу шахс видеоларни ўчирмай, тармоқдаги профили номини ўзгартириб, яна ўша рақс тасвирларини жойлаштирган. Содда аёл унга яна чув тушиб, сўралган пулларни ўтказиб берган.
Аёлнинг турмуш ўртоғи ҳолат юзасидан ИИБъга мурожаат қилган ва қонунбузар қўлга олинган.
Ҳолат юзасидан Жиноят кодексининг тегишли моддалари билан иш қўзғатилиб, дастлабки тергов ҳаракатлари олиб борилмоқда.
