Гонконг халқаро аэропортида 20 октябрь тонгида Emirates авиакомпаниясининг юк ташувчи Boeing 747 самолёти учиш-қўниш йўлагидан чиқиб кетиб, денгизга қулаб тушди.
Самолёт йўлакдан чиқиб, яқин атрофда бўлган хизмат машинасига урилган. Машинада бўлган 30 ва 41 ёшли икки эркак ҳалок бўлган. Самолёт бортидаги тўрт нафар экипаж аъзоси жабрланмаган.
Ҳалокат Шимолий учиш йўлагининг ёпилишига ва 12 та юк рейсининг бекор қилинишига сабаб бўлди. Гонконг расмийлари воқеа юзасидан тергов бошлаб, парвозлар хавфсизлигини таъминлаш устувор вазифа эканини таъкидлади.
