Россия президенти Владимир Путин Озарбайжон президенти Илҳом Алиев билан 9 октябрь куни Тожикистон пойтахти Душанбеда бўлиб ўтган учрашувда 2024 йил декабрида Россия ҳаво мудофаа тизимлари томонидан уриб туширилган Озарбайжон йўловчи самолёти ҳалокати юзасидан баёнот берди.
Путин Россия томонининг айбини тан олиб, воқеа “Украина дронлари ҳужумига қарши урилган ракета парчалари” оқибати эканини билдирди.
Путиннинг айтишича, Embraer E190 самолёти тўлиқ ракета зарбаси эмас, балки парчалардан жабр кўрган. Ҳалокатда 38 киши ҳалок бўлган, 29 киши омон қолган эди.
Воқеа Россия ва Озарбайжон ўртасида дипломатик инқирозга сабаб бўлган. Кремль энди фожиа билан боғлиқ товон пули ва жавобгар мансабдорлар масаласи кўриб чиқилишини билдирди.
