Европарламентда Еврокомиссия президенти Урсула фон дер Ляйенга қарши ишончсизлик вотуми бўйича янги овоз бериш режалаштирилмоқда. Бу ҳақда Европарламент спикери Роберта Метсола депутатларни хабардор қилган.
DPA агентлиги хабарига кўра, бу сафар ишончсизлик вотумини дарҳол икки сиёсий куч – ўнг тарафдаги “Европа ватанпарварлари” ва чап тарафдаги “Еврочаплар” фракцияси тақдим қилган. Бу ҳолат Европарламент тарихида илк бор юз бермоқда.
Аввалроқ, 2024 йил ёзида ҳам шунга ўхшаш вотум ўтказилган эди. Ўшанда Европарламент аъзолари Урсула фон дер Ляйен ва унинг 26 нафар комиссарини лавозимда қолдиришга қарор қилган: 553 депутатдан 360 нафари унга ишонч билдирган, 175 нафари қарши чиққан, 18 нафари бетараф қолган. Еврокомиссия раҳбарига ишончсизлик билдириш учун учдан икки қисм овоз талаб қилинади.
