Тошкент шаҳрида 8 сентябрдан 10 октябргача совуқ сув жадвал бўйича вақтинча ўчирилади. Бу ҳақда “Тошкент шаҳар сув таъминоти” АЖ матбуот хизмати хабар берди.
Маълум қилинишича, 2025-йилги куз-қиш мавсумига тайёргарлик бўйича катта ҳажмли сувўтказгич тармоқларида режали профилактика-таъмирлаш ишлари олиб борилиши муносабати билан ичимлик сув босими пасайиши ҳамда вақтинча бўлмаслиги мумкин.
Сув бўлмаган жойларга сув ташувчи махсус автомашиналар юборилади.Ичимлик суви босими пасайтириладиган ва вақтинча тўхтатиладиган манзиллар рўйхати ва уларнинг вақти эълон қилинди.
Маълумот учун, пойтахтда ичимлик суви таъминоти сўнгги марта 7 апрелдан 16 майгача режали тарзда ўчирилиб, баҳорги-ёзги мавсумига тайёргарлик бўйича катта ҳажмли сув ўтказгич тармоқларида режали профилактика-таъмирлаш ишлари олиб борилган.
