Сурхондарё вилоятининг Узун туманида эр ва унинг онаси келиннинг 5 ойлик боласини зўравонлик билан молхонада ушлаб келгани фош бўлди. Аёлнинг руҳий ҳолати ва нутқидаги муаммолардан фойдаланилган.
Вилоят ИИБ хабарига кўра, 26 август куни аёл ва чақалоғи антиисанитар шароитда сақланаётгани ҳақида хабар келиб тушган.
Маҳалла инспектори воқеа жойига етиб бориб, молхона эшигини бузиб кирган. Аёл ва чақалоқ шифохонага ётқизилган, гумонланувчи эркак ва унинг 3 яқин қариндоши эса қамоққа олинган.
Ҳолат юзасидан Жиноят кодексининг 126 прим 1-моддаси 7-қисми “а, э” бандлари билан жиноят иши қўзғатилган. Тергов вилоят ИИБ томонидан қатъий назоратга олинган.
