Ижтимоий тармоқларда Янгийўл туманидаги чойхоналардан бирида чумчуқ гўштидан кабоб тайёрланаётгани акс этган видео тарқалди. Тошкент вилояти Экология бошқармаси ҳолат юзасидан расмий баёнот берди.
Ўрганиш давомида ҳозирда мазкур чойхонада чумчуқ гўшти ишлатилмаётгани аниқланди. Чойхона раҳбари видеолавҳа аввалроқ, мижозлар сонини ошириш мақсадида суратга олинганини, ҳозирда бундай амалиётга йўл қўйилмаётганини билдирган.
Ҳолат юзасидан Маъмурий жавобгарлик кодексининг 63-моддаси 1-қисми (ғайриқонуний ов) асосида чойхона раҳбарига 4 млн 120 минг сўм миқдорида жарима қўлланилди.
Шунингдек, унга бу каби ҳолатларни такрорламаслик ҳақида огоҳлантириш берилди.
