Тошкент шаҳридан Сеулга учадиган самолёт учиб кетиш аэропортига қайтарилди. Бу ҳақда Uzbekistan Airways хабар берди.
Хабарга кўра, қўшимча техник текширув зарурати туфайли 29 август куни амалга оширилиши режалаштирилган ҲЙ513 Тошкент–Сеул йўналишидаги рейс кечиктирилган ҳолда бажарилади. Ҳаво кемаси тўлиқ хавфсизлик ва қулайликни таъминлаш мақсадида учиб кетиш аеропортига қайтарилди.
30 август ҳолатига кўра янгиланган жадвал:
ҲЙ513 Тошкент – Сеул
Тошкентдан учиш — 03:00
Сеулга етиб бориш — 13:00.
ҲЙ514 Сеул – Тошкент
Сеулдан учиш — 14:05
Тошкентга етиб келиш — 17:15.
Авиакомпания хабарда йўловчилардан ноқулайликлар учун узр сўраган.
