Toshkent shahridan Seulga uchadigan samolyot uchib ketish aeroportiga qaytarildi. Bu haqda Uzbekistan Airways xabar berdi.
Xabarga ko'ra, qo'shimcha texnik tekshiruv zarurati tufayli 29 avgust kuni amalga oshirilishi rejalashtirilgan HY513 Toshkent–Seul yo'nalishidagi reys kechiktirilgan holda bajariladi. Havo kemasi to'liq xavfsizlik va qulaylikni ta'minlash maqsadida uchib ketish aeroportiga qaytarildi.
30 avgust holatiga ko'ra yangilangan jadval:
HY513 Toshkent – Seul
Toshkentdan uchish — 03:00
Seulga etib borish — 13:00.
HY514 Seul – Toshkent
Seuldan uchish — 14:05
Toshkentga etib kelish — 17:15.
Aviakompaniya xabarda yo'lovchilardan noqulayliklar uchun uzr so'ragan.
