Бугун, 29 август куни Президент Шавкат Мирзиёев Тошкент шаҳрида жойлашган “Янги Ўзбекистон” боғига ташриф буюриб, Мустақиллик монументи пойига гулчамбар қўйди.
Мазкур обида Ўзбекистон тарихидаги муҳим воқеалар, буюк аллома ва саркарда аждодларимиз сиймоси билан безатилган бўлиб, у халқимиз мустақиллигининг рамзи сифатида қад ростлаган.
Монументнинг энг юқори қисмида жойлашган Ҳумо қуши эса Ўзбекистон герби ва миллий қадриятлар тимсоли сифатида талқин этилади.
“Бу улуғ обида она Ватанимиз, жасур, меҳнаткаш ва тинчликсевар халқимиз шаънига бағишланган”, — деган эди давлат раҳбари аввалроқ.
Тантанали маросимда Олий Мажлис палаталари, Президент Администрацияси, Вазирлар Маҳкамаси ҳамда Тошкент шаҳри жамоатчилиги вакиллари иштирок этди.
