Шаҳрисабз туман судида 2024 йилда Россия Мудофаа вазирлиги билан шартнома тузиб, Украинадаги жангларда иштирок этган Ўзбекистон фуқаросига нисбатан ҳукм чиқарилди.
Фуқаро 2024 йил 26 августдан бошлаб урушда қатнашган, икки марта оғир яраланган ва 2025 йил февраль ойида Ўзбекистонга қайтиб, ДХХъга мурожаат қилган.
Суд унга Жиноят кодексининг 154-моддаси асосида айб қўйиб, 4 йил муддатга озодликни чеклаш жазоси тайинлади.
Суд енгил жазо тайинлашда унинг пушаймонлиги, ногирон фарзанди борлиги ва оиласидаги ягона боқувчи экани каби ҳолатларни инобатга олди.
Унга Қашқадарё вилоятидан чиқмаслик, яшаш манзилини ўзгартирмаслик ва Россия ҳарбийларига алоқадор шахслар билан мулоқот қилмаслик каби чекловлар белгиланди.
