Технологик компаниялар ўзлари ишлаб чиқарган сунъий интеллект моделларининг атроф-муҳитга таъсирини ўрганмоқда. Маълум бўлишича, сунъий интелектдан фойдаланиш нафақат қувват талаб қилади, балки сув захираларини ҳам камайтиради. Гооглеънинг Gemini сунъий интеллекти бошқа моделлар билан солиштирилганда экологияга камроқ зарар келтириши мумкинлиги аниқланди. Бу ҳақда “Euronews” хабар берди.
Қайд этилишича, янги техник ҳужжатларга кўра, Google Gemini чат-ботида битта сўровни ишга тушириш телевизорни 9 сония томоша қилиш учун сарфланадиган энергияга (0,24 ватт-соат) тенг. Ҳар бир сўров учун чиқариладиган карбонат ангидрид тахминан 0.03 граммни ташкил қилади. Ушбу SI моделининг сув истеъмоли эса тахминан 0.26 миллилитр ёки тахминан беш томчи сувни кўрсатади.
Маълумот учун, Gemini ва ChatGPT каби SI моделларининг ишлашида зарур бўлган маълумотлар марказидаги ускуналар сув орқали совитилади. У ерда кучли иссиқлик ҳосил қилувчи минглаб серверлар мавжуд. Сув ускунанинг қизиб кетишини олдини олиб, иссиқликни тарқатади. Натижада улар узлуксиз ва барқарор ишлайди.
Google нинг ёзишича, ҳар бир қидирув учун чиқариладиган CO2 эмиссияси (углерод диоксидини атмосфера ёки тупроққа чиқариш жараёни) жуда оз миқдорни кўрсатади. Open АИънинг ChatGPT моделини Google Gemini билан солиштирсак, унда ҳар бир сўров учун 2.9 ватт қувват сарфланади ва 4.3 грамм карбонад ангидрид чиқарилади.
