Бош прокуратура ҳузуридаги Департамент ва ИИБ ходимлари томонидан Самарқанд, Хоразм, Бухоро ва бошқа ҳудудларда ўтказилган тезкор тадбирларда ноқонуний валюта савдоси билан шуғулланган шахслар қўлга олинди.
Хусусан, Қўшработ туманида фуқаро А.Н. 3 900 АҚШ долларини 49,5 миллион сўмга сотган вақтида ушланган.
Урганчда фуқаро Р.Х. 4 000 долларни 50,6 миллион сўмга сотиб олганида қўлга олинган. Бухорода К.И. худди шундай миқдордаги валютани 50,4 миллион сўмга, Ғиждувонда эса Д.М. 3 500 долларни 44,3 миллион сўмга сотиб олаётганида ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) бўйича жиноят ишлари қўзғатилиб, тергов ҳаракатлари олиб борилмоқда.
