Сурхондарё вилояти Узун туманида 27 ёшли Nexia 2 автомашинасини бошқариб келаётган ҳайдовчи пиёдалар йўлагидан ўтаётган 8 ёшли қизни уриб юборди. Жабрланувчи воқеа жойида вафот этган. Бу ҳақда MY5 телеканалида хабар берилди.
Билдирилишича, ҳайдовчи яқин атрофда мактаб борлигини кўрсатувчи белги бўлишига қарамай, тезликни камайтирмаган. Натижада пиёдалар йўлагидан ўтаётган 8 ёшли қизчани ўлимига сабаб бўлган. Марҳуманинг онаси суддан ҳайдовчига нисбатан оғирроқ жазо беришларини сўраган.
“Юк машинаси билан ёнма-ён келган пайтимда унинг орқасидан бир бола югуриб чиқди, тормоз босдим, лекин одамга тегиб бўлгандим”, — дейди ҳайдовчи.
Суд ҳукмига кўра энди у 2 йилга барча турдаги транспорт воситаларини бошқаришдан ва 5 йилга озодликдан маҳрум қилинди. Жазони манзил-колонияда ўташ белгиланди.
