Жорий йилнинг 19 июль куни Uzbekistan Airways авиакомпаниясининг Истанбул — Тошкент йўналиши бўйича парвоз вақтида чақалоқ туғилди. Бу ҳақда Uzbekistan Airways матбуот хизмати раҳбари Қизлархон Хўжаева маълум қилди.
Тақдим этилган маълумотга кўра, парвоз давомида йўловчилардан бирида муддатидан олдин туғуруқ бошланган. Бортда бўлган икки нафар шифокор экипаж билан ҳамкорликда зарур тиббий ёрдамни тезкорлик билан кўрсатган.
Экипаж командири қарори билан самолёт Урганч аэропортига фавқулодда қўнган, у ерда она ва янги туғилган ўғил болани шифокорлар кутиб олишган.
