Тошкент вилоятининг Оҳангарон шаҳри ҳокимлигида бўлим бошлиғи лавозимида ишлаётган мансабдор шахс ишончни суиистеъмол қилгани фош бўлди.
У, гўёки, ҳокимият балансига ўтказилиши режалаштирилаётган уч хонали уй-жойни суд тизимидаги танишлари орқали фуқаро номига расмийлаштириб беришни ваъда қилган.
Эвазига эса уй учун 15 000 АҚШ доллари, суддаги “танишлар” учун эса яна 3 500 доллар талаб қилган. Умумий миқдор 18 500 долларни ташкил этган.
Давлат хавфсизлик хизмати ва Ички ишлар жазони ижро этиш бошқармаси ходимлари томонидан ўтказилган тезкор тадбирда мансабдор шахс аванс сифатида 9 500 долларни олаётган вақтда қўлга олинди.
Ҳозирда унга нисбатан жиноят иши қўзғатилиб, қамоқ эҳтиёт чораси қўлланилган.
