Бугун, 2 июль куни Пойтахт Тошкентнинг Учтепа туманида жойлашган ишлаб чиқариш корхонасининг омборхонасида ёнғин юз берди. Бу ҳақда ФВБ ахборот хизмати маълум қилди.
Қайд этилишича, ёнғин тунги соат 02:47 да Тошкент шаҳар, Учтепа тумани, Тошкент ҳалқа автомобиль йўли кўчасида жойлашган қандолат ишлаб чиқариш корхонасининг омборхонасида юз берган.
Шунга кўра ёнғин-қутқарув экипажлари соат 02:56 да ёнғинга етиб бориб, 03:49 да ёнғин қуршаб олган. Ёнғин соат 05:22 да ўчирилган. Ҳодиса оқибатида тан жароҳати олганлар йўқлиги қайд этилган.
Бироқ ҳодиса ортидан етказилган зарар тўлиқ очиқланмаган.
