Андижон вилоятида 2 та насос станциясида аниқланган қоидабузарлик натижасида тизимга 473,9 млн сўмлик зарар етказилганлиги маълум бўлди.
Қайд этилишича, Избоскан туманида жойлашган Насос станциялари энергетика бошқармаси истеъмол қилинган электр энергиясини ҳақиқий кўрсатгич бўйича ҳисобот бермасдан, ноқонуний фойдаланган.
Ушбу қоидабузарлик натижасида дастлабки ҳисоб-китобларга кўра электр таъминоти корхонасига 352,5 миллион сўмлик зарар етган.
Бу каби ҳолат Балиқчи тумани "Сирмоқ" МФЙда жойлашган Насос станциялари энергетика бошқармасида ҳам аниқланиб, дастлабки ҳисоб-китобларга кўра электр таъминоти корхонасига 121,4 миллион сўмлик зарар етказилган.
Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.
