Навоий вилояти Конимех туманида "Ford Transit" автомобили ҳайдовчиси ухлаб қолиши оқибатида тўсиққа бориб урилди. Оқибатда бир йўловчи воқеа жойида ҳалок бўлди, яна бири шифохонага ётқизилди.
Навоий вилояти Конимех туманида рўй берган йўл-транспорт ҳодисаси оқибатида бир киши ҳалок бўлди. Бу ҳақда “MY5” телеканалида хабар берилди.
Ҳолат Навоий — Учқудуқ халқаро автомобиль йўлининг 23-километрида содир бўлган. 63 ёшли Ford Transit машинаси ҳайдовчиси ухлаб қолиши оқибатида руль бошқарувини йўқотган ва йўлни иккига ажратиб турувчи тўсиққа урилган.
Оқибатда автомобилда йўловчи сифатида келаётган 58 ёшли фуқаро ҳаёт учун хавфли бўлган тан жароҳатлари олиб, воқеа жойида ҳалок бўлган. Яна бир 58 ёшли фуқаро эса ўнг оёқ ёпиқ синиши жароҳати билан шифохонага ётқизилган.
