Рим-католик черковининг янги раҳбари Рим папаси Лев ХИВ Ғазо секторидаги гуманитар вазиятдан чуқур хавотир билдириб, ҳужумларни зудлик билан тўхтатиш ва минтақага инсонпарварлик ёрдами етказилишига рухсат бериш зарурлигини таъкидлади.
8-май куни сайлангандан кейин ўзининг биринчи умумий тингловида нутқ сўзлаган Рим папаси Авлиё Пётр майдонидан келган диндорларга мурожаат қилди.
"Ғазодаги вазият тобора хавотирли ва оғриқли бўлиб бормоқда. Мен яна бир бор болалар, қариялар ва беморлар тўлаётган бу юракни эзувчи ҳолатга чек қўйиш учун гуманитар ёрдамнинг тўсиқсиз етиб боришини таъминлаш ва ҳарбий ҳаракатларни тўхтатишга чин дилдан чақираман," дейди понтифик.
Рим папаси ҳам барча диндорларни ҳар куни тинчлик ва "қалбларни қуролсизлантириш" учун ибодат қилишга чақирган.
Исроил армияси блокланган Ғазо секторига 18 март куни эрталаб, 19 январдан кучга кирган ўт очишни тўхтатиш муддати тугаганидан кейин шиддатли ҳужумларни қайта бошлади.
Ҳужумлар қайта бошланганидан бери 3 427 фаластинлик, асосан қариялар, аёллар ва болалар ҳалок бўлди, яна 9 647 киши яраланди.
2023 йил 7 октябрда Исроилнинг Ғазо секторига оммавий ҳужумлари бошланганидан бери ҳалок бўлган фаластинликлар сони 53 573 нафарга, яраланганлар сони эса 121 688 нафарга етди.
