Мелбурн яқинидаги Гилонг шаҳрида жойлашган Viva Energy’нинг Corio нефтьни қайта ишлаш заводида йирик ёнғин содир бўлди. Ёнғин 13 соатдан сўнг ўчирилди, жабрланганлар йўқ.
Завод мамлакат ёқилғисининг муҳим қисмини таъминлайди ва ҳозирча қисман ишламоқда. Ҳукумат бензин ишлаб чиқаришга таъсир бўлиши мумкинлигидан огоҳлантирди.
Энергетика вазири Крис Бауэн ҳолатни “ноқулай вақтдаги ҳодиса” деб атади. Чунки глобал нефть инқирози фонида мамлакатда ёқилғи таъминоти аллақачон босим остида эди.
Дастлабки маълумотларга кўра, ёнғинга ускуна носозлиги сабаб бўлган.
