У ўз мурожаатини “халқ номидан” қилаётганини айтиб, оддий фуқаролар ва давлат раҳбари ўртасида “қалин девор” борлигини таъкидлади. 18 дақиқалик видео унинг Instagram саҳифасида эълон қилинган.
Мурожаатда блогер Доғистондаги сув тошқинлари, Анапа ҳудудидаги экологик муаммолар, жумладан мазут доғлари, шунингдек “Қизил китоб”га киритилган ҳайвонларни овлашга оид қарор лойиҳаси ҳақида танқидий фикрлар билдирди. Унинг сўзларига кўра, айрим ҳудудларда фуқаролар муаммолар билан ёлғиз қолмоқда.
Шунингдек, у Новосибирск вилоятида чорва молларини мусодара қилиш ҳолатларини ҳам тилга олиб, айрим ҳаракатлар кескин танқидга лойиқ эканини айтди.
Боня ижтимоий тармоқлар чекланиши масаласига ҳам тўхталиб, бу ҳолат одамларни бир-бири билан алоқада бўлиш имкониятидан маҳрум қилаётганини қайд этди. У президентга фуқаролар тўғридан-тўғри мурожаат қила оладиган очиқ платформа яратишни таклиф қилди.
Мазкур мурожаатни блогер Айза-Лилуна Ай ҳам қўллаб-қувватлаб, мамлакатдаги ижтимоий муаммолар ва ахборот олиш имкониятлари чекланаётганини танқид қилди.
