Кеча, 6 май куни Украинанинг Суми шаҳри Россия томонидан ракета ҳужумига учради. Ҳодиса оқибатида уч киши ҳалок бўлди, яна саккиз киши тан жароҳати олди. Бу ҳақда вилоят ҳарбий маъмурияти маълум қилди.
Қайд этилишича, ҳалок бўлганлар орасида 6 ёшли бола, 20 ёшли аёл ва 41 ёшли эркак бор. Яна 8 киши – тўрт нафар бола ва тўрт нафар катталар – жароҳат олиб, шифохонага ётқизилган.
Вилоят ҳарбий маъмуриятининг қайд этишича, ҳужум баллистик ракета ёрдамида амалга оширилган ва нишонга фуқаролик инфратузилмаси олинган. Интернетда тарқалган кадрларда ғиштдан қурилган бино бутунлай вайрон бўлгани кўринади.
