Доғистоннинг Левашин туманида жойлашган Қуйи Убекимахи қишлоғида йирик кўчки содир бўлди. Маълумотларга кўра, кўчки узунлиги бир неча километрга етган бўлиб, айрим уйлар тўлиқ вайрон бўлган.
Ҳодиса сўнгги кунларда кузатилаётган кучли ёғингарчиликлар фонида юз берган. Илгари ҳам об-ҳаво кескин ёмонлашгани сабабли ҳудудда фавқулодда вазият режими жорий этилган ва у узайтирилган эди.
Қайд этилишича, 2026 йил баҳорида Доғистонда рекорд даражада ёғингарчилик кузатилиб, бир қатор ҳудудларда сел ва сув тошқинлари юзага келган. Айни пайтда қутқарув хизматлари жабрланган ҳудудларда иш олиб бормоқда.
