Истанбулда 1 май - Халқаро меҳнат куни муносабати билан ўтказилган намойишлар чоғида полиция камида 400 кишини, жумладан 10 нафар адвокатни ҳибсга олди.
Маъмурият Тақсим майдонида митингни ўтказишни тақиқлаганига қарамай, иштирокчилар Бешиктош ва Шисли туманларида тўпланиб, полиция тўсиқларини бузиб ўтишга ҳаракат қилишган. Шаҳар маъмурияти хавфсизлик чораларини кучайтирди ва шаҳар марказида транспорт ҳаракатини чеклади. Намойишга тайёргарлик кўрган 100 киши ҳибсга олинган. Улар орасида 10 нафар ҳуқуқшунос ва адвокатлар ҳам бор. Намойишчилар ижтимоий-иқтисодий ва диний талаблар, жумладан, энг кам иш ҳақини ошириш ва даромад солиғини бекор қилиш талабларини илгари суришган.
Намойишларни Туркиянинг етакчи касаба уюшмалари. Улар Тақсим майдонини меҳнаткашлар учун мақбул жой деб ҳисоблаб, айнан шу ерда йиғилиш ҳуқуқини талаб қилишди. Касаба уюшмалари раҳбарларидан бири, бош котиб Арзу Черкезоғлу: "Биз бу майдондан воз кечмаймиз", — деб таъкидлади.
Туркия Конституциявий суди 2023 йилда Таксим майдонида йиғилишни тақиқлаш инсон ҳуқуқларини бузиш эканини эълон қилган бўлса-да, ҳукумат бу қарорни инобатга олмади. Полициянинг куч ишлатиши ва оммавий ҳибслар инсон ҳуқуқлари ташкилотлари ва халқаро жамоатчилик томонидан танқид қилинди.
Намойишлар шунингдек, Истанбул шаҳар ҳокими Экрем Имамоғлунинг март ойида ҳибсга олинишига қарши норозилик сифатида ҳам ўтказилди. Имамоғлу президент Режеп Таййип Эрдўғаннинг асосий сиёсий рақиби сифатида кўрилади .
1 май куни Туркиянинг бошқа шаҳарларида, жумладан, Анқарада ҳам тинч намойишлар бўлиб ўтди. Бироқ, Истанбулдаги воқеалар мамлакатдаги сиёсий ва ижтимоий кескинликни янада кучайтирди.
Абдуллоҳ Саййид
