АҚШ Ички хавфсизлик департаментининг маълум қилишича, Ўзбекистон ҳукумати АҚШдан чиқариб юборилган 131 нафар ноқонуний мигрантни қабул қилди. Улар орасида Ўзбекистон, Қозоғистон ва Қирғизистон фуқаролари бор.
Департамент маълумотига кўра, Ўзбекистон расмийлари ўз фуқароларининг депортацияси билан боғлиқ барча харажатларни ўз зиммасига олган.
“Фох News” телеканалининг хабар беришича, Ўзбекистон ҳукумати мигрантларни олиб кетиш учун чартер рейсни тўлиқ молиялаштирган. Телеканалга кўра, бу — Доналд Трампнинг янги маъмурияти даврида Ўзбекистон билан тузилган илк депортация битими ҳисобланади.
