АҚШ президенти Жо Байден учинчи бор яна коронавирусга чалинди.
Оқ уй матбуот котиби Карин Жан-Пер Байденнинг касали енгил эканлигини эълон қилди. Унинг ишонтиришича, президент аввалроқ ҳам бирламчи, ҳам кучайтирувчи эмлашларни олган.
81 ёшли Байден чоршанба куни Лас-Вегасдаги сайловолди кампаниясида иштирок этди. У бугун кечқурун Лас-Вегасда нутқ сўзлаши керак эди, аммо ҳозирда нутқ бекор қилинди.
Жан-Пернинг сўзларига кўра, президент Делавердаги уйида карантинга ўтмоқчи, аммо барча расмий вазифаларни бажаради.
Байденнинг шифокори Кевин ЎКоннор матбуотга президентнинг бурни оқаётгани ва йўталаётгани ва Пахловид препаратини қабул қилаётганини айтди. Куннинг бошида у ўзини яхши ҳис қилган, аммо кейин яна бир тест у яна коронавирус билан касалланганлигини кўрсатди.
Байденнинг Лас-Вегасга сафарини ёритган мухбирларнинг айтишича, у самолётда секин ва эҳтиёткорлик билан юрган.
АҚШ Демократик партиясидан кўплаб етакчи сиёсатчилар ва бу партия тарафдорлари Жо Байденни президентлик сайловларидан воз кечишга чақирмоқда. Уларнинг фикрича, Америка сиёсатининг 81 ёшли фахрийсининг аҳволи унга Дональд Трампга қарши муваффақиятли кураш олиб боришга, агар у ғалаба қозонса, яна тўрт йил самарали ишлашига имкон бермайди.
Байден шу пайтгача ноябрдаги сайловларда ўз номзодини қайтариб олишдан бош тортган.
