O`zbekiston Mudofaa vazirligi hamda Toshkent shahri hokimligi tashabbusi bilan 29 iyun soat 19:00 da Xalqlar do`stligi san`at saroyi maydonida “Musiqa jangovar safda” nomli harbiy orkestrlar festivali bo`lib o`tadi.
Festivalda Mudofaa vazirligi, Davlat xavfsizlik xizmati Chegara qo`shinlari, Ichki ishlar vazirligiga qarashli jami 12 jamoa tarkibida 200 dan ortiq musiqiy sozandalar ishtirokida gala-konsert bo`lib o`tadi.
30 iyun — Yoshlar kuni munosabati bilan tashkil etilayotgan festival doirasida harbiy orkestr tomonidan nafaqat harbiy kuy-qo`shiqlar, balki jahon va o`zbek klassik musiqalari ham xalq e`tiboriga havola etiladi.
Yurtdoshlarimizni ushbu gala-konsertga taklif etamiz!
