Buyuk Britaniya bosh vaziri Tereza Mey Konservatorlar partiyasi etakchisi o`rnini bo`shatishini va 7 iyun kuni bosh vazir lavozimini tark etishini ma`lum qildi, bu haqda RIA novosti nashri xabar berdi.
Mey Buyuk Britaniyaning Evropa Ittifoqi tarkibidan chiqishi bo`yicha u taklif qilgan reja qo`llab-quvvatlanmaganidan afsusda ekanligini bildirdi.
Mey iste`foga chiqishi haqidagi bayonotini yakunlaganidan so`ng, yig`lab yuborgan. So`nggi oylarda Mey “Brekzit” jarayonini yakunlay olmayotgani uchun, xususan, Konservatorlar partiyasi bo`yicha hammaslalari tomonidan ham tinimsiz tanqid qilinayotgan edi.
