Davlat xizmatlari agentligi davlat xizmatlari ko`rsatish tartibini soddalashtirish, taqdim etiladigan hujjatlar va muddatlarni qisqartirish yo`li bilan Davlat xizmatlari markazlari orqali yangidan yangi xizmatlarni joriy etmoqda.
Xo`sh, 2019 yilda qaysi turdagi xizmatlarni Davlat xizmatlari markazlari orqali olish imkoniyati yaratiladi?
- Turgan joyi bo`yicha propiska qilish, propiskadan chiqarish, hisobga olish,
- Vaqtincha yashash (propiska) uchun ruxsatnomalarni berish va muddatini uzaytirish,
- Harbiy hisobga qo`yish,
- Elektr energiyasi, tabiiy gaz, suvni hisobga olish (hisoblagich) uskunasini o`rnatishga, echishga va tekshirishga ariza berish,
- Trenerlik faoliyati bilan shug`ullanishga ruxsat berish,
- Bolalarni davlat umumta`lim muassasalariga qabul qilish (eksperimental tarzda Toshkent shahrida),
- Oliy ta`lim muassasalariga o`qishga kirish uchun hujjatlar topshirish,
- Xorijiy mamlakatlarda berilgan ta`lim to`g`risidagi hujjatlarni tan olish va nostrifikasiya qilish, (ekvivalentlikni belgilash),
- O`zgalarning parvarishiga muhtoj bo`lgan keksalar va nogironligi bo`lgan shaxslarga sanatoriylarda imtiyozli davolanish va yo`llanmalarni rasmiylashtirish,
- Mehnat organlarida fuqarolarni ishsiz sifatida ro`yxatga olish,
- Ishsizlik nafaqasini tayinlash,
- Xorijda mehnat faoliyatini amalga oshirishga ruxsatnoma berish.
