Bill va Hillari Klintonning Nyu-York shtatidagi Chappakva shahrida joylashgan uyida yong`in sodir bo`ldi.
Yong`in xavfsizligi xodimlari yong`inni to`liq o`chirishga muvaffaq bo`ldi. Bu haqda «RIA Novosti» xabar berdi.
Xabarlarga ko`ra, yong`in uyning ikkinchi qavatida shift yonishi bilan boshlangan.
Nyu-Kasl shahri polisiyasi vakili Artur Mendozaning ma`lum qilishicha, yong`in mahalliy vaqt bilan 15:15 da (Toshkent vaqti bilan 01:15) o`chirilgan.
Jabrlanganlar va qurbon bo`lganlar haqida ma`lumot yo`q.
Ma`lumot uchun, Klintonlar oilasi ushbu uyni 1999 yilda 1,7 million dollarga sotib olgan edi.
