Bloger Otabek Bakirovning ma'lum qilishicha, vazir avvalgi arizasi bo'yicha jinoyat ishi qo'zg'atish rad etilganidan so'ng, 2024 yil 26 dekabrda e'lon qilingan postlari yuzasidan poytaxt Toshkent shahar IIBBga yana murojaat qilgan.
Mazkur murojaat asosida 2026 yil 23 yanvarda ish qo'zg'atish rad etilgan bo'lsa-da, 25 mart kuni Toshkent shahar prokuraturasi ushbu qarorni bekor qilib, materiallarni Yashnobod tumani IIBga qayta ko'rib chiqish uchun yuborgan.
Shikoyat metan zapravkalardagi navbatlar, gaz mavjudligi, Avto24 ilovasidagi ma'lumotlar hamda Toshkent tumanidagi elektr va gaz ta'minotidagi uzilishlar haqidagi postlar bilan bog'liq.
Bakirov esa qariyb bir yarim yil oldingi chiqishlar yana asos qilib olinayotganini tanqid qilgan.
