Turkiya tashqi ishlar vaziri Hoqon Fidan Isroil Eron ortidan yangi "dushman" izlayotgani va bu safar Turkiyani nishonga olayotganini bildirdi. Unging so‘zlariga ko‘ra, Isroil bosh vaziri Binyamin Netanyaxu mamlakati yangi tahdid sifatida ko‘rsatishga harakat qilmoqda.
Vazir, shuningdek, Isroilning Suriyaga nisbatan harakatlari Anqara uchun jiddiy xavf tug‘dirayotganini ta’kidladi. Unga ko‘ra, hozirgi vaziyat vaqtincha bo‘lishi mumkin va kelajakda keskinlik yana kuchayishi ehtimoli bor.
Fidan AQSh va Eron o‘rtasidagi muzokaralarga ham to‘xtalib, tomonlar o‘t ochishni to‘xtatish masalasida jiddiy ekanini qayd etdi. Shu bilan birga, u muzokaralar murakkab kechayotganini va yakuniy kelishuvga erishish uchun ko‘proq vaqt talab etilishi mumkinligini qo‘shimcha qildi.
