Hujum oqibatida obyekt hududida yong'in yuzaga kelib, kamida bir kishi halok bo'ldi.
Rasmiy ma'lumotlarga ko'ra, havo hujumiga qarshi mudofaa tizimlari kelayotgan raketa yoki dronni yo'q qilgan. Biroq uning parchalarari gaz majmuasi hududiga tushib, ikki nuqtada yong'in keltirib chiqargan.
Hodisa oqibatida bir nafar Misr fuqarosi halok bo'lgan, yana to'rt kishi yengil jarohat olgan.
Mahalliy hokimiyatlar ma'lum qilishicha, obyektga sezilarli darajada zarar yetgan va hozirda zararni baholash ishlari olib borilmoqda. Xavfsizlik nuqtai nazaridan majmua faoliyati vaqtincha to'xtatilgan.
Qayd etilishicha, Habshan kompleksi Birlashgan Arab Amirliklarining eng yirik gaz qayta ishlash infratuzilmalaridan biri bo'lib, mamlakat energetika tizimida muhim o'rin tutadi.
Mutaxassislar ushbu hujumni Yaqin Sharqdagi kengayotgan harbiy mojarolar bilan bog'lamoqda. So'nggi vaqtlarda mintaqada neft va gaz obyektlariga qaratilgan zarbalar ko'payib, global energiya bozorida havotirlarni kuchaytirmoqda.
