Voyaga yetmagan qizga nisbatan jinsiy zo‘ravonlikda gumonlangan shaxs sud qarori bilan qamoqqa olindi. Bu haqda Bosh prokuratura matbuot kotibi ma’lum qildi.
Ma’lum qilinishicha, Jinoyat ishlari bo‘yicha Yangiqo‘rg‘on tuman sudida 2013 yilda tug‘ilgan qizga nisbatan og‘ir jinoyat sodir etganlikda gumonlanuvchi, 1973 yilda tug‘ilgan maktab o‘qituvchisiga nisbatan ehtiyot chorasi ko‘rish masalasi ko‘rib chiqildi.
Sudning 2026 yil 30 martdagi ajrimiga ko‘ra, prokuror iltimosnomasi qanoatlantirilib, gumonlanuvchiga nisbatan qamoqqa olish tarzidagi ehtiyot chorasi qo‘llandi va u tergov hibsxonasiga joylashtirildi.






