Bildirilishicha, 28 mart kuni Yangiqo‘rg‘on tumanida istiqomat qiluvchi fuqaro tomonidan tuman ichki ishlar organlariga 8-umumta’lim maktabida tahsil oluvchi voyaga yetmagan farzandiga nisbatan sodir etilgan noqonuniy xatti-harakatlar yuzasidan murojaat kelib tushgan.
Holat yuzasidan Jinoyat kodeksining 119-moddasi (jinsiy ehtiyojni zo‘rlik ishlatib g‘ayritabiiy usulda qondirish) 4-qismi bilan jinoyat ishi qo‘zg‘atilib, gumon qilinuvchi shaxs protsessual tartibda ushlangan hamda unga nisbatan qamoqqa olish ehtiyot chorasi qo‘llanilgan. Ayni vaqtda mazkur holat yuzasidan tergov harakatlari olib borilmogda.
Jinoyat kodeksining 119-moddasi 4-qismiga ko‘ra, jinsiy ehtiyojni zo‘rlik ishlatib g‘ayritabiiy usulda qondirish 14 yoshga to‘lmagan shaxsga nisbatan sodir etilgan bo‘lsa, 15 yildan 20 yilgacha ozodlikdan mahrum qilish bilan jazolanadi.
Mart oyining o‘rtalarida Angrenada 14 yoshli qizni zo‘rlagan to‘rt nafar yigitga sud hukmi o‘qildi. Ularga 7 yil 6 oydan 12 yilgacha ozodlikdan mahrum qilish jazosi tayinlandi.
