Namangan va Surxondaryo viloyatlarida elektro hamda gaz ta’minoti sohasi xodimlarining korrupsion harakatlari tezkor tadbirlar davomida fosh etildi. Ular pul evaziga hujjatlarni rasmiylashtirish va qarzdorlikni “yopib berish”ni va’da qilgan.
Davlat xavfsizlik xizmati va Iqtisodiy jinoyatlarga qarshi kurashish departamenti xodimlari tomonidan o‘tkazilgan tadbirlarda Namangan viloyati Kosonsoy tumani elektro tarmoqlari korxonasining ikki nafar muhandisi tadbirkorga tegishli MChJ binosiga o‘rnatilgan 50 kVt quvvatli quyosh paneli uchun texnik shart hujjatlarini rasmiylashtirib berish evaziga 17 mln so‘m olgan vaqtida ashyoviy dalillar bilan ushlangan.
Surxondaryo viloyatida esa “Uzuntumangaz” bo‘limi xodimi fuqaroga tegishli gaz hisoblag‘ich nosozligi tufayli yuzaga kelgan 23 mln so‘m qarzdorlikni bartaraf etib berish va dalolatnoma rasmiylashtirmaslik evaziga 5 mln so‘mni uchinchi shaxs orqali olgan vaqtida qo‘lga olingan. Tergov davomida ushbu ishga uning yana bir hamkasbi ham aloqador ekani aniqlandi.
Hozirda har ikki holat bo‘yicha jinoyat ishi qo‘zg‘atilib, tergov harakatlari olib borilmogda.
