Unda joriy yilda tadbirkorlik loyihalarini qo‘llab-quvvatlash uchun 10 trillion so‘m resurs ajratilishi ma’lum qilindi.
Qayd etilishicha, usbu mablag‘lar hisobidan 185 ming nafar aholini ish bilan ta’minlash, ishsizlik darajasini 4,6 foizgacha, qashshoqlikni esa 3 foizgacha qisqartirish rejalashtirilgan. Shuningdek, Guliston, Shirin, Yangiyer shaharlari hamda Sardoba, Sayxunobod, Sirdaryo va Xovos tumanlarini ishsizlik va qashshoqlikdan xoli hududga aylantirish choralari ko‘riladi.
Yig‘ilishda qayd etilganidek, o‘tgan yili viloyat iqtisodiyoti 9,8 foizga o‘sgan. 42 ta yirik investitsiya loyihasi amalga oshirilib, 333 million dollardan ziyod sarmoya o‘zlashtirilgan va 17,5 mingdan ortiq yangi ish o‘rinlari yaratilgan.
Joriy yilda viloyatga 3 milliard dollar investitsiya jalb qilish, eksport hajmini 500 million dollarga yetkazish vazifasi qo‘yildi. Shuningdek, ijtimoiy infratuzilmani yaxshilash, ichimlik suvi va elektr ta’minotini kengaytirish, qishloq xo‘jaligida suv tejovchi texnologiyalarni joriy etish bo‘yicha aniq topshiriqlar berildi.
Prezident har bir loyiha aholi daromadlari va turmush darajasida amaliy natija berishi shartligini ta’kidladi.
