U, shuningdek, Vashington Eronning yangi oliy rahnamosini tanlash jarayonida ishtirok etishni xohlashini aytdi.
AQSh prezidenti Donald Trump Eronning toʻliq taslim boʻlishi haqidagi kelishuvdan tashqari, ushbu mamlakat bilan boshqa hech qanday bitim tuzilmasligini ma'lum qildi.
"Eron bilan SO‘ZSIZ TASLIM BO‘LISHIDAN boshqa hech qanday kelishuv bo‘lmaydi! Shundan so‘ng hamda [Eronda] BUYUK va MAQBUL rahbar (yoki rahbarlar) tanlanganidan keyin biz va bizning ajoyib hamda juda jasur ittifoqchilarimiz va sheriklarimiz Eronni halokat yoqasidan qaytarish, uning iqtisodiyotini ilgarigidan ko‘ra yaxshiroq, yirikroq va kuchliroq qilish uchun tinimsiz mehnat qilamiz", — deb yozdi u o‘zining TruthSocial ijtimoiy tarmog‘ida.
U Eronning "buyuk kelajagi" bo‘lishini qo‘shimcha qildi.
