Ijtimoiy himoya milliy agentligi va Yoshlar ishlari agentligi "Fikringni ber (Voice Up)" inklyuziv oromg‘ohini tashkil qilib, yoshlar tashabbusi bilan o‘ndan ziyod loyihani amalga oshirdi.
Endilikda loyiha har bir hududda o‘tkazilib, eng yaxshi loyihalarni taklif qilgan yoshlar ishtirokida Samarqandda Xalqaro inklyuziv yoshlar oromg‘ohi tashkil etiladi.
"O‘sish va rivojlanish (Upshift)" startup loyihasi esa media, dizayn, hunarmandchilik, ishlab chiqarish va innovatsiya yo‘nalishlarida kengaytiriladi, eng yaxshi 40 startup loyihasini moliyalashtirish uchun 2 milliard so‘m ajratiladi.
