AQShning The New York Times nashri xabariga ko‘ra, Vashington B-2 Spirit strategik bombardimonchilarini yuqori harbiy shaylik holatiga keltirdi. Yaqin Sharqqa o‘nlab yoqilg‘i quyish samolyotlari ham ko‘chirilgan.
Manbalarga ko‘ra, AQSh Milliy xavfsizlik kengashi vakillari prezident Donald Trumpga 21 fevraldayoq Eronga zarba berishga tayyorlik haqida hisobot bergan. Axios ehtimoliy operatsiya AQSh va Isroil ishtirokida bir necha haftalik kampaniya ko‘rinishida bo‘lishi mumkinligini yozmoqda.
Keskinlik fonida Vashington mintaqaga 50 dan ortiq qiruvchi samolyot joylashtirdi, shuningdek, USS Abraham Lincoln va USS Gerald R. Ford boshchiligidagi zarba guruhlarini safarbar qilgan. Mintaqada THAAD raketaga qarshi mudofaa tizimi batareyalari ham joylashtirilgan.
