Viloyat maktabgacha va maktab ta’limi boshqarmasi ma’lumotiga ko‘ra, ijtimoiy tarmoqlarda tarqalgan xabarlar asosida holat o‘rganilgan.
Tekshiruv jarayonida Buvayda tumanidagi 37-umumta’lim maktabi direktori vazifasini vaqtincha bajaruvchi X.N. pedagoglarga ularning lavozim majburiyatiga kirmaydigan, amaldagi tartiblarga zid bo‘lgan navbatchilik vazifalarini yuklagani aniqlangan.
Shu munosabat bilan 6 yanvar kuni chiqarilgan buyruqqa asosan X.N. egalab turgan lavozimidan ozod etilgan. Boshqarma rahbarlari kelgusida bunday holatlarga yo‘l qo‘ymaslik yuzasidan ogohlantirilgan.
