2026 yil 1 yanvardan boshlab qishloq xo‘jaligi tovar ishlab chiqaruvchilari tomonidan yetishtirilgan mahsulotlarning (paxta va g‘alla bundan mustasno) realizatsiyasi uchun qo‘shilgan qiymat solig‘i (QQS) "nol" stavkasi joriy qilinadi.
Bu bo‘yicha Prezidentning "Qishloq xo‘jaligi sohasida qo‘shilgan qiymat solig‘ini hisoblashning soddalashtirilgan tartibini joriy etish chora-tadbirlari to‘g‘risida"gi farmoni (PF–153-son, 04.09.2025 y.)da belgilangan.
Shuningdek:
Qishloq xo‘jaligi mahsulotlari ro‘yxati Qishloq xo‘jaligi vazirligi va Soliq qo‘mitasi tomonidan tasdiqlanib, rasmiy veb-saytlarda e’lon qilinadi.
Ro‘yxatga kiritilgan mahsulotlar uchun xarid qilingan tovarlar yoki xizmatlar bo‘yicha to‘langan QQS summasi 3 kun ichida avtomatlashtirilgan tarzda qaytariladi.
Soliq qo‘mitasi elektron hisobvaraq-fakturalarni real vaqt rejimida xavf darajasiga qarab tahli qilish tizimini joriy qiladi.
Yuqori xavfli hisobvaraq-fakturalar ulushi 10% dan oshmasligi va QQS summasi faqat to‘liq to‘langanidan keyin hisobga olinishi belgilandi.
Kosmik tadqiqotlar va texnologiyalar agentligi Space Gov Monitoring platformasi orqali qishloq xo‘jaligi yerlaridagi ekin maydonlari bo‘yicha ma’lumotlarni muntazam yetkazib boradi.
