AQSh Venezuelaning hududiga birinchi marta havo hujumini amalga oshirdi. Bu haqda AQSh Prezidenti Donald Tramp 29 dekabr kuni Isroil Bosh vaziri Binyamin Netanyaxu bilan uchrashuv oldidan ma'lum qildi.
Trampning so‘zlariga ko‘ra, zarba giyohvand moddalar kemalarga yuklanadigan port hududiga berilgan. U Floridada jurnalistlar bilan mulogot chog‘ida portda katta portlash sodir bo‘lganini va bir nechta kemalar yo‘q qilinganini aytgan.
Shu bilan birga, AQSh harbiylari va Venezuela rasmiylari mazkur hujum yuzasidan rasmiy bayonot bermadi. Markaziy razvedka boshqarmasi, Oq uy va Pentagon ham voqeaga izoh berishdan tiylildi.
Ayni paytda ijtimoiy tarmoqlarda Venezuelaning Marakaibo shahri yaqinida joylashgan kimyo korxonasida portlash bo‘lgani haqida xabarlar tarqaldi. Biroq kompaniya bu holatni elektri simlaridagi nosozlik oqibatida chiqqan yong‘in deya izohladi.
CNN manbalariga ko‘ra, dekabr oyi boshida AQSh Markaziy razvedka boshqarmasi Venezuela qirg‘og‘ida giyohvand moddalar yuklash uchun foydalanilgan pirsga dron orqali zarba bergan. Xabarda hujum oqibatida qurbonlar bo‘lmagan ta'kidlanadi.
