Davlat xavfsizlik xizmati xabariga ko‘ra, Toshkent viloyati Davlat kadastr palatasi Bo‘stonliq tuman filiali xodimi yuqori lavozimdag‘i tanishlari orqali 8 sotix yerga oid xonadonning kadastr hujjatlarini rasmiylashtirib berish evaziga fuqarodan 5 ming AQSh dollari talab qilgan.
Tezkor tadbir davomida xodim pulni olgan vaqtida ushlangan va ashyo dalillar qo‘lga olingan. Hozirda unga nisbatan Jinoyat kodeksining 168-moddasi 2-qismi “a”, “b” bandlari (firibgarlik) hamda 28 va 211-moddalari (jazoni ijro etish muassasasi ma’muriyatining qonuniy talablariga bo‘yunsunmaslik) bo‘yicha jinoyat ishi qo‘zg‘atilgan. Tergov harakatlari davom etmoqda.
Eslatib o‘tamiz, avvalroq Xorazm viloyatida ichki ishlar organi xodimi 30 ming dollar pora olayotganda qo‘lga olingan edi.
