Ukraina prezidenti Vladimir Zelenskiy juma kuni AQSh prezidenti Donald Trump bilan 28 dekabr, yakshanba kuni Floridada uchrashishini tasdiqladi, garchi Trump ilgari Ukraina bo‘yicha tinchlik bitimi yakunlanmaguncha uchrashuvning ma’nosi yo‘qligini aytgan bo‘lsa ham.
Axios avvalroq, uchrashuv 28 dekabrga rejalashtirilgani va Trumpning shaxsiy qarorgohida bo‘lib o‘tishi haqida xabar bergan edi.
Zelenskiyning so‘zlariga ko‘ra, AQSh va Ukraina vakillari ishlab chiqayotgan 20 banddan iborat reja "90% tayyor".
"Bizning vazifamiz hamma narsa 100% tayyor bo‘lishini ta’minlashdir. Bu oson emas va hech kim darhol 100% bo‘ladi, deb aytmayapti. Shunga qaramay, biz har bir uchrashuv, har bir suhbat bilan kerakli natijaga yaqinlashitirishimiz kerak", dedi Ukraina rahbari.
Trumpning o‘zi Zelenskiy bilan kelishuvning holati haqida ehtiyotkorlik bilan gapirdi.
“Men tasdiqlamagunimcha, [Zelenskiyning] hech narsasi yo‘q. Shunday ekan, u nima o‘ylab topishini ko‘ramiz”, dedi AQSh prezidenti Trump Politico nashriga bergan eksklyuziv izohida.
Ukraina prezidenti juma kuni Ukraina ommaviy axborot vositalariga yakshanba kuni Amerika rahbari bilan asosiy muhokama mavzulari Ukraina uchun xavfsizlik kafolatlari va iqtisodiy kelishuv bo‘lishini aytdi.
"U yerda hali ham asosiy o‘zgarishlar mavjud, garchi bir nechta kelishuvlar bo‘ladi", deb Zelenskiyning so‘zlarini keltiradi RBC-Ukraina, u bir nechta hujjatlarning dastlabki loyihalari tayyorlanganini, ammo prezidentlar darajasida muhokama qilinishi kerak bo‘lgan ba’zi masalalar borligini aniqlik kiritdi.
